Prime achegará aos seus subscritores numerosos xogos en outubro

Prime Gaming, incluído na subscrición de Amazon Prime, chega en outubro cunha ampla remesa de xogos de balde que os usuarios poderán reclamar e conservar para sempre. Entre as novidades máis destacadas están DragonStrike, unha viaxe ao universo de Krynn cos cabaleiros de Solamnia; XCOM 2, que sitúa o xogador nun planeta dominado por forzas alieníxenas; e as edicións completas de Fallout: New Vegas e Fallout 3, que regresan co seu inconfundible mundo postapocalíptico e todos os contidos adicionais. Tamén forman parte da oferta títulos de terror como Tormented Souls ou as dúas entregas de True Fear: Forsaken Souls, propostas narrativas como Vampire: The Masquerade — Reckoning of New York e aventuras con atmosferas moi diferentes como Hellslave, Empty Shell ou Werewolf: The Apocalypse — Heart of the Forest. A oferta complétase con xogos de misterio e obxectos agochados, como Lost & Found Agency Collector’s Edition e Halloween Stories: Horror Movie.
A proposta de Prime Gaming non se limita ás descargas para PC. Os subscritores tamén poden xogar directamente en Amazon Luna, o servizo de xogos na nube da compañía, con acceso inmediato a un catálogo rotativo que este mes inclúe obras como Borderlands 3, LEGO Star Wars III: The Clone Wars, Dead Island 2 Ultimate Edition, MotoGP 25, Farming Simulator 22, Rainbow Six Siege X, Dave The Diver ou Trackmania Starter Access.
Coincidindo co lanzamento destes contidos, Amazon anunciou ademais a Festa de Ofertas Prime, con ofertas especiais en mandos sen fíos Luna e packs con dispositivos Fire TV (por exemplo, o mando solto sae a 39,99 euros, mentres que os lotes cun Fire TV Stick saen entre 58,98 e 82,98 euros).