Epic Games ofrece de balde o xogo F1 Manager 2024

Até o vindeiro día 20 a tenda de Epic Games ofrece de balde o xogo F1 Manager 2024, valorado en 34,99 euros, ofrecendo así unha oportunidade para achegarse a este título de Frontier Developments que somerxe ao xogador nas competicións automobilísticas de Fórmula 1 xestionando un equipo.
O simulador permite escoller entre un dos 10 construtores oficiais de Fórmula 1 ou crear un equipo de cero; permite tomar decisións relevantes na pista, planear e dirixir a estratexia do equipo; xestionar os pilotos, o persoal, o desenvolvemento do coche e as instalación ao longo de varias tempadas; e, en definitiva, xestionar un equipo de Fórmula 1 no seu camiño ao éxito.